DHARMA KINIDUNG
KANGGO PANGIRING
UPACARA
SEMBAHYANG
Katulis Dening :
Mbah Dharmo
Banyuwangi, 5 Januari 2013
wongsinting2012@gmail.com
Om Swastyastu.
Om Awignamastu namo sidham.
SINOM KETAWANG
Gusti Hyang Maha Wasesa
Sinembah sagung dumadi
Tumurun ing marca pada
Ingayab gung dewa-dewi
Sumunar cahya suci
Angambar ganda arum
Mustikaning jagad raya
Amisesa siang ratri
Ing wasana gya bangkit paring nugraha.
GERONGAN PUCUNG LADRANG
Hamba munjuk, lumantar pamantranipun
Kanthi puja brata, nggennya minta tirta suci
Kukus arum anglantarken sembah hamba.
Dhuh Hyang
Agung, sih paduka kula suwun
Mugi dadya
srana, pangleburing papa dhesti
Papa sirna
raos wening jroning nala.
Umat sagung, mangga sami anenuwun
Minta sih nugraha, nugrahane Sang Hyang Widhi
Pinaringa katentreman dhirga yuswa.
Gya tumurun, nugrahaning Hyang Maha Gung
Kang lumantar tirta, tinampen pra umat sami
Temah mulya widada nir sambekala.
DANDANG GULA GEDHONG KUNING
Lir
kusumo, mbabar ganda wangi
Kumelun
wor kukusing sang dupa
Sang
yogi muntu ciptane
Hanut
laksiteng wahyu
Matek
mantram tulus melatsih
Pindha
sang madu branta
Kunjuk
Hyang Maha Gung
Hambuka
wenganing tyas
Ing
sasmita wahyuning Hyang Hodipati
Weh
daya katentreman.
GERONGAN WIDOSARI
Kukusing
dupa kumelun
Hanawur
ganda mrik milir
Kumenyar
cahyaning dupa
Dadya
pancering pangesti
Puspita
jatining angga
Karya
lenggahing Hyang Widhi
Pindha
pesating supena
Sumusup ing rasa jati.
Mangkono ingkang winuwus
Kang bangkit marjayeng westi
Hamberat budi angkara
Angagungken pangastuti
Tan singlar wangsiteng Weda
Maweh ascaryeng sabumi
Suradira jayaningrat
Lebur dening pangastuti.
KETAWANG KADUK RETNO
E…………angin mangidit milir
Arum-arum dupa sekar sesari
E…………angin mangidit milir
Arum-arum dupa sekar sesari
Ri Sang Pekik amuja wening ciptane
Yayah kojem brahmana mangsah semedi
Mangkono ingkang winuwus
Sanghya pra umat sadarum
Angesti wijiling wahyu
Sang resi amusti tirta
Arum kukusing dupa
Angambar ing awang-awang
Umat samya sinekar panjang ilang.
PANJANG ILANG
Ngeningken cipta sayekti
Tuhu titis ing pangrasa
Rasa ngreh panca ndriyane
Rinacut manjing sajuga
Sumusup sajroning nala
Kang riris angambar arum
Ambabar jatining rasa.
Dhuh Gusti Hyang Maha Widhi
Lumunturo sih paduka
Muhung tur puja mantrane
Minta sih peparing tirta
Anggayuh sucining nala
Cinaketno munggweng kayun
Rinengkuh Maha Wasesa.
Dhuh Gusti Hyang Maha Suci
Wit saking asih paduka
Kasembadan sasedyane
Sawusnya anampi tirta
Lulus tan manggih rubeda
Kaparenging Hyang Maha Gung
Widada nir sambekala.
ASMARANDANA
Amiwiti amemuji
Manembah Hyang Widhi Wasa
Cinawisna pirantine
Dupa tirta lan sekarnya
Kanggo srana amemuja
Kanthi wening jroning kayun
Nggennya kita ameminta.
BAWA PUCUNG PAMBUKA
Dhuh Hyang
Agung
Sinembah
umat sadarum
Dhahat sru
nalangsa
Nggennya
sami amemuji
Mugi-mugi
Hyang Widhi Paring nugraha.
BAWA DANDANG GULA SIDO ASIH
Pamintaku
kunjuk ngarsa Gusti
Linuberno
ing teguh yuwana
Kang
tansah gung aksamane
Dhuh
Gusti dasih ulun
Jroning
ari sembahyang niki
Tan
kena tininggala
Sagunging
mitraku
Antuk
bagya nirmala
Dhirgayuswa
sumrambah sentana sami
Saking
wahyuning Hyang Dharma.
TINAMPEN AYAK PAMUNGKAS
Hyang
Widhi, Maha Suci
Sampun
purna atur sembah
Hyang
Widhi, rahayua
Pemangku
amercik tirta
Tirta suci ganda arum
Tarlen amung amemuji
Mugi umat Hindu Dharma
Sepuh anem jaler estri
Estinen mustikaning tyas
Manunggal ngarsane Widhi.
Hyang Widhi, mugi-mugi
Kaparinga anugraha
Hyang Widhi, lestariya
Sagung jiwa umat samyo
Umat manungsa kang gesang
Anugraha nurwidiya
Brahmacari kaluhurna
Satyam ewa na anertham
Satyam siwam lan sundharam
Moksa artham jagadhita.
Hyang Widhi katampia
Ulun angaturken sembah
Hyang Widhi, sembah ulun
Lahir batin amemuji
Wahya dyatmika sembah ulun
Ijen ta tan hana waneh
Werdha mudha jaler estri
Gumolong dadi sawiji
Ing dinten sembahyang niki
Cekap nyuwun tirta suci.
IBU PERTIWI
Ibu pertiwi
Paring boga
lan sandhang kang murakapi
Peparing
rejeki manungso kang bekti...........
Ibu
pertiwi........... ibu pertiwi...............
Sih sutrisno
mring sesami............
Ibu pertiwi
kang adil luhuring budi
Ayo sungkem
mring ibu pertiwi
Hyang
prameng kawi
Tinedahno
hamba mring lampah utami
Kang manut
wewaton dhasaring agami..............
Tat twam
asi.............. kang sesanti.................
Rahsa tan
beda sayekti...............
Aiwa kongsi
suko deksiyo sesami
Ayo ngudi
mrih luhuring budi.
BAWA PUCUNG PANUTUP
Umat sagung
Sembahyangan
sampun rampung
Swawi wedhar
sila
Kanthi
namaskara santi
Asesanti
rahayu kang pinanggiha.
Om Santi santi santi Om
Katulis dening : Mbah Dharmo, Banyuwangi, 05 Januari 2013, wongsinting2012@gmail.com
